DARDO Instituto do Deseño e das Artes Contemporáneas

deseño gráfico

 

Fene, 1955

Deseñador

Expresión Atlántica

Expresión Atlántica. Arte Galega dos 80. X. Antón Castro. Editorial Follas Novas, 1985

Formado en deseño en Barcelona, Alberte Permuy funda en 1992 a empresa Permuy Asociados, conformada por profesionais que abarcan diversas áreas de actividade: produción, impresión, identidade corporativa, deseño editorial, branding, logotipos, deseño institucional, de páxinas web e multimedia. O traballo de Alberte Permuy destaca polo seu compromiso coa cultura galega e a procura de símbolos que a identifiquen. As súas creacións foron expostas en diferentes mostras de deseño gráfico en Lisboa, Atenas, Xangai, o MARCO de Vigo ou o Reina Sofía madrileño. Tamén é coñecido pola creación de Xubi, a mascota do Xacobeo dende 2010, e de entidades corporativas para organismos como a Xunta de Galicia ou o Concello de Santiago de Compostela. Neste caso ocúpase da portada do libro Expresión Atlántica, onde Antón Castro fai un repaso pola arte galega dos anos 80. Conformada a modo de colaxe, a portada destaca polo emprego de cores vivas que contrastan entre sí e unha forma antropomórfica que aporta dinamismo á composición, deixando entrever parte desa plástica da icónica xeración Atlántica ao tempo que reforza o seu carácter plural.

 

 

 

Vigo, 1948 – 2001

Pintor e deseñador gráfico

Cartel Vigo O Porto Atlantic

Francisco Mantecón destacou como artista expresándose a través de diferentes técnicas e linguaxes. Fixo carteis e deseños publicitarios para entidades culturais, para organizacións políticas e sindicais e para empresas como Terras Gauda ou Conservas Alfageme. No mundo editorial, traballou para Galaxia, deseñando coleccións como a Dombate de poesía e portadas como as da colección editada nos anos 80 de narrativa; deseñou a colección Cómplice de Edicións do Cumio, os Clásicos Galegos da editorial Sotelo Branco, varias series de Ir Indo Edicións, ou a colección Ferros de Xerais.

 

Deseñador.

A Coruña, 1949.

Luis Seoane. Obra poética

Fillo do polifacético Isaac Díaz Pardo e alumno de Luis Seoane —que será unha influencia fundamental como tamén o será José Martínez Guerricabeltia, creador e director da editorial parisina Ruedo Ibérico e gran coñecedor da tipografía contemporánea—, Xosé Díaz naceu nun mundo de formas, gráficas, deseño e industria. Graduado en Filosofía e Letras pola Universidade de Santiago de Compostela, foi membro fundador de Grupo Revisión e en 1995 emprende a súa traxectoria en solitario con Imago Mundi Deseño. Seguindo o seu particular linguaxe analítico, Xosé Díaz da forma á portada do libro Luis Seoane. Obra poética editado por Edicións Do Castro, onde xenera unha sorte de retícula que emprega a repetición, as formas xeométricas e a combinación da cor e a escala de grises como recursos plásticos.

 

Deseñador

A Coruña, 1949.

O misterio das badaladas

Fillo do polifacético Isaac Díaz Pardo e alumno de Luis Seoane —que será unha influencia fundamental como tamén o será José Martínez Guerricabeltia, creador e director da editorial parisina Ruedo Ibérico e gran coñecedor da tipografía contemporánea—, Xosé Díaz naceu nun mundo de formas, gráficas, deseño e industria. Graduado en Filosofía e Letras pola Universidade de Santiago de Compostela, foi membro fundador de Grupo Revisión e en 1995 emprende a súa traxectoria en solitario con Imago Mundi Deseño. Xosé Díaz ilustra aquí a portada do libro O misterio das badaladas de Xabier P. Docampo, servíndose de tres elementos chave: un reloxo, campás e a fachada dunha igrexa, elementos que compoñen un diálogo entre sí mentres manteñen a súa independencia, reforzada pola neutralidade dun fondo laranxa que imprime un carácter case onírico ao conxunto.

 

A Coruña, 1949.

Deseñador

Deseño do disco Fonte do Araño de Emilio Cao

Fillo do polifacético Isaac Díaz Pardo e alumno de Luis Seoane —que será unha influencia fundamental como tamén o será José Martínez Guerricabeltia, creador e director da editorial parisina Ruedo Ibérico e gran coñecedor da tipografía contemporánea—, Xosé Díaz naceu nun mundo de formas, gráficas, deseño e industria. Graduado en Filosofía e Letras pola Universidade de Santiago de Compostela, foi membro fundador de Grupo Revisión e en 1995 emprende a súa traxectoria en solitario con Imago Mundi Deseño. Nos anos 70 deseña pezas para Sargadelos e produtos gráficos como este disco de Emilio Cao. Iniciador da corrente celta e pioneiro na recuperación da arpa dentro da música tradicional galega como instrumentista dos primeiros cantantes de Voces Ceibes, Emilio Cao presenta o seu primeiro disco titulado Fonte do Araño, fundamental para entender a evolución da música en Galicia. Neses anos setenta, como sinala Pepe Barro, prodúcese tamén unha celtización gráfica popular da que é un exemplo paradigmático este disco deseñado por Xosé Díaz, basado na forma do castro de Armea pero cun aire marcadamente pop.

 

Directora creativa

Material gráfico para Martínez Otero

Fabricante: 
Unconventional London

Nuria Carballo é deseñadora e directora creativa con experiencia internacional en varios sectores como creadora de novas ideas, conceptos e marcas audaces. O estudo do que é fundadora, Unconventional London, é unha firma de innovación, deseño e comunicación con sede en Londres e oficinas en Nova York, Shanghái, Madrid e Lisboa. O seu traballo analiza as tendencias da industria, as relacións e as necesidades sociais para mirar cara ao cambio e propor novas lecturas ou solucións. A creatividade está incentivada pola procura e análise de todo aquilo que a rodea, pero tamén pola atracción de sectores como a poesía, o cinema, a música ou a filosofía, entre outros, que estimulan a asociación de ideas para establecer novas abordaxes creativas. Aliada coa firma galega de fabricación de mobiliario e interiorismo Martínez Otero, Nuria Carballo deseñou diferentes propostas gráficas para a marca unindo os seus potenciais para lograr o equilibrio entre sobriedade e clasicismo.

 

Pontedeume.

Deseñadora gráfica.

Gallaecia Petrea

Deseño de materiais para a exposición Gallaecia Petrea na Cidade da Cultura de Galicia, 2012
 

Uqui Permuy é directora de arte e deseñadora gráfica no estudio uqui.net. A súa carreira cubriu unha ampla gama de campos, con especial énfase en proxectos vinculados á esfera da creación contemporánea. Foi a encargada do deseño do catálogo da mostra Gallaecia Petrea (Cidade da Cultura de Galicia, 2012). En sintonía co obxectivo da exposición, achegarse á cultura e á arte galegas a través da historia da pedra, o libro contempla detalles como unha maquetación clara e ordenada e unha selección de materiais, desde o papel interior en offset de 80 gramos reciclado ata a encadernación acolchada, que conxugan diferentes sensacións táctiles. O volume conforma un conxunto entre contundente e lixeiro buscando, en palabras da autora, «o contraste coa materia pétrea que está evocada na portada por un golpe seco coa iconografía da exposición».

 

Barcelona,1938

Premio Nacional de Deseño en 1988.

Cartel oficial dos Xogos Olímpicos de Barcelona ’92

Cartel oficial dos Xogos Olímpicos de Barcelona ’92

É este un dos carteis máis recoñecibles dos anos noventa, grazas á extraordinaria difusión que se lle deu dende o Comité Olímpico Internacional e o Ajuntament de Barcelona. Os Xogos Olímpicos de Barcelona ’92 e a celebración da Expo de Sevilla no mesmo ano supuxeron aos ollos do mundo a entrada de España na Modernidade. De entre ambos acontecementos, as Olimpiadas de Barcelona foron un fito a nivel deportivo e a súa imaxe gráfica —realizada por Josep M. Trias co seu estudio Quod— co seu símbolo e logotipo, e sobre todo a súa mascota Cobi —realizada por Javier Mariscal—, alonxada dos canons e cunha simpática e amable personalidade que lle permitiu afianzarse para lograr se manter na memoria colectiva, serán paradigmas do que é un bo traballo de comunicación. Este cartel de Enric Satué é a terceira pata deste éxito sen precedentes do deseño español, que fixo que moitos cidadáns comezasen a coñecer o nome dos deseñadores e entendesen o deseño como motor económico. Conta o seu autor que os seus fillos lle axudaron a combinar as cores olímpicas nos dedos das mans, achando interesantes asociacións para incorporalas ao cartel orixinal.

 

EE.UU., 1914-1996. Deseñador gráfico e director de arte.

Packaging e cintas de IBM

Fabricante: 
IBM

Packaging e cintas de IBM, ca. 1972

O labor de Paul Rand foi fundamental no desenvolvemento da marca IBM. O logotipo converteuse na peza chave do seu rebranding. Rand traballou coa tipografía City, que fora deseñada en 1930 por Georg Trump. Aínda que o logotipo non deixou de evolucionar, desde os primeiros deseños que se presentaron en versións perfiladas ata o seu coñecido deseño a raias, que primeiro foron trece e máis tarde oito. Paul Rand confesou terse inspirado nun documento que viu no seu banco e asinado con raias que o protexían de falsificacións. As raias uniformaban as tres letras e evocaban as terminais de vídeo, que entón era o futuro. O packaging convértese así en clave do desenvolvemento visual da marca, primeiro cunhas caixas negras e azuis onde se repetían as letras maiúsculas en maxenta, azul e verde e nos anos setenta xa co logotipo de oito raias en caixas laranxas. Paul Rand foi tamén o deseñador do coñecido cartel Eye-Bee-M de IBM, fiel á súa intención de que o espectador participe da solución. A lectura dual, neste caso a partir de interpretar como soan as siglas da compañía en inglés, permítelle proxectar neste sinxelo xeroglífico a esencia de IBM dun modo menos ríxido.

 

València

Carteis para o 22 Festival de Jazz de València

Campaña gráfica 22 para o Festival de Jazz de València

Palau de la Música, 2018

Dídac Ballester é deseñador gráfico especializado en proxectos editoriais, de identidade visual e packaging. Tamén realiza proxectos que potencian o cruzamento entre as artes visuais e o deseño desde a reivindicación da sinxeleza, a orde e os detalles. O seu estudo mantén unha pequena estrutura que lle permite traballar moi preto dos clientes, cunha rede de colaboradores flexible e pondo o acento na calidade e a sinxeleza das solucións. Para o 22 Festival de Jazz de València realizou unha serie de carteis de fondos limpos dunha soa cor que permiten resaltar o motivo central: formas orgánicas simulando instrumentos de vento, ou sons que se expanden, dos cales xorde a palabra jazz. Por esta campaña foi galardoado cos premios Premios Laus prata e ADCV prata.

Páxinas