Juicy Salif

Deseñador industrial e arquitecto, Philippe Starck é un innovador tecnolóxico recoñecido pola utilidade e estética nos seus deseños. Nos seus proxectos chaman a atención as súas formas extravagantes, as cores cegadoras e o uso de materiais pouco usuais. Perséguelle a constante de ir máis aló do convencional, de progresar e de evolucionar. O seu proceso de traballo é un estado semiconsciente, aí é onde atopa a claridade nos seus deseños. Os seus produtos céntranse na experiencia que lle proporcionará ao usuario. Tanto é así que o seu mítico exprimidor Juicy Salif, producido para Alessi está pensado para «iniciar conversas» cunha notable reflexión formal e innovadora que se afasta totalmente da forma tradicional da acción de espremer.