DARDO Instituto do Deseño e das Artes Contemporáneas

Rashid, Karim

 

Exipto, 1960

Deseñador industrial e de interiores.

Zapato Melissa High

Fabricante: 
Melissa

Karim Rashid é un deseñador industrial e de interiores que traballou no deseño de mobiliario, de obxectos de luxo, de exteriores, de iluminación e en moitos outros campos. Como el mesmo describe, os seus deseños son minimalistas e sensuais, polas súas curvas refinadas e as súas rechamantes cores. Un exemplo curioso do seu traballo é o deseño do zapato Melissa High, que responde a un deseño innovador e experimental. A súa inspiración principal vén do minimalismo, pero tamén hai referentes ao pop, ao deseño conceptual ou a formas biomórficas, en definitiva, alusións a elementos máis decorativos, menos funcionais e neutros, buscando o atractivo e sensual e unha beleza despreocupada propia do posmodernismo e aberta á experimentación con materiais como o plástico, o titanio ou as escumas.