Apaixonada pola pintura e a colaxe, Elain Lustig Cohen é unha figura clave do deseño gráfico dos anos cincuenta e sesenta, sobre todo polas portadas de libros que realizou para editoriais como Meridian Books e New Directions. Casada con Alvin Lustig en 1950, continuará co traballo do seu estudo á morte deste en 1957, integrando a estética do modernismo europeo cunha linguaxe visual norteamericano. Arthur Cohen, editor e gran amigo de Alvin Lustig convidouna a que continuase deseñando a nova liña de libros de peto en Meridian Books, chegando a deseñar máis dun centenar de portadas. Elain Lustig Cohen tamén deseñou catálogos de importantes artistas como Robert Rauschenberg, Yves Klein ou Jasper Johns e traballou con arquitectos como Eero Saarinen ou Richard Meier na gráfica dos seus edificios.
