Portada da revista Profils n.º 3

Paul Rand é pioneiro e figura chave para entender o deseño moderno en Estados Unidos e de cada un dos seus deseños sempre emerxe algo inesperado. Todos eles son orixinais, singulares, aínda que tamén altamente reconocibles, talvez porque obedecen a unha axilidade visual sen paragón. Non poucas figuras considerarano como o gran herdeiro do legado do modernismo en América, entre eles Lázsló Moholy-Nagy. O propio Rand confesará a súa atracción por creadores como Kandinsky, Picasso, Van Doesburg ou Léger, pero sobre todo por Paul Klee. Tamén polas portadas de Verve deseñadas por Matisse ou as que varios artistas realizarán para Transition, entre elas unha excepcional de Miró. De todos eles buscará captar a súa esencia, dependendo dos intereses que tivese en cada deseño, algúns decididamente dadaístas, outros capaces de convocar a simultaneidade futurista dunha maneira máis abstracta, outros de deriva surrealista e por último os inspirados no constructivismo de autores como Alexander Rodchenko ou Ladislav Sutnar.