encontro
DIDAC. Santiago de Compostela
O escritor galego Suso de Toro e o deseñador Pepe Barro inician o ciclo de conferencias ao redor de O arquivo de Barro. Unha conversa na que ambos desenvolven o seu vínculo profesional entendido desde a complicidade e simbiose do seu campo de traballo. De Toro e Barro falarán sobre a complexidade da imaxe, de literatura, das limitacións e das posibilidades da comunicación a través do deseño das capas dun libro, da visión do literato e da visión do deseñador. O intercambio abordarase desde unha visión complexa e cómplice dada a natureza interdisciplinar de ambos os relatores.
Este proxecto conta co apoio do Ministerio de Cultura, da área de cultura da Deputación de Coruña e do Concello de Santiago de Compostela.
Xoves 22 de xaneiro
19 H
Fundación DIDAC