MINI-DIDAC
DIDAC. Santiago de Compostela
Con motivo da exposición Con-secuencias. Colección DKV que se celebra en tres espazos culturais de Santiago de Compostela: a Fundación Eugenio Granell, a Igrexa da Universidade e a Fundación DIDAC e que reúne a un total de 40 artistas, continuamos ensinando a arte contemporánea aos máis cativos. Dentro do programa MINI-DIDAC realizaremos dous obradoiros con artistas galegos que forman parte da Colección DKV.
Obradoiro con Manuel Eirís
O artista Manuel Eirís (Santiago de Compostela, 1977) participará nesta actividade na Fundación onde se realizará un taller de pintura a partir da súa práctica artística, caracterizada pola acumulación de capas de pintura. Os nenos/as terán a oportunidade de ver unha peza do artista en directo e facela súa propia.
Lugar: Fundación DIDAC
Data: Sábado 17 de marzo
Horario: 11:30 h a 13:30
Nº de prazas: 20 nenos/as
Idade dos nenos/as: de 5 a 9 anos
Prezo: 8€ un neno/a // 14€ dous irmáns/ás
Para realizar a inscrición é necesario encher o formulario que aparece a continuación e remitilo cuberto a actividades@didac.gal.
