Talleres "Contos desde o tellado"

Idade dos nenos/as: De 5 a 9 anos
Nº de prazas: 20 nenos/as
O prezo da matrícula é de 20€ (un neno/a) / 30 € (dous irmáns/ás) / 35€ (tres irmáns/ás) por cada taller.

O venres 16 de febreiro comezamos o ciclo “Contos desde o tellado”, onde iniciaremos a nenos e nenas entre 5 e 9 anos ao apaixonante mundo do álbum ilustrado. Percorreremos técnicas que, da man de Lois Guillán e varios ilustradores, levarannos a través dos sendeiros do maxín e da creatividade. Todos os nenos e nenas que participen no taller, recibirán un exemplar dun álbum ilustrado que se editará cando remate o ciclo e que recollerá as ilustracións dos pequenos creadores.

No taller do 16 de febreiro contaremos coa ilustradora Bea Lema.

Para realizar a inscrición é necesario encher o formulario que aparece a continuación e remitilo ao correo electrónico actividades@didac.gal.