Three Lives

De vocación temperá, Lustig abriu o seu primer estudio en Los Ángeles e 1957 e convertiuse nun impresor e tipógrafo independente xa aos 21 anos. Dende moi cedo traballou a xeometría abstracta e a ornamentación para acabar revolucionando o mundo das portadas de libros evitando as ilustracións figurativas ao optar por opcións conceptuais e simbólicas segundo o libro en cuestión, sempre con discretas tipografías para os seus títulos. O seu espírito de modernidade cobrou relevancia ao encargarse da imaxe editorial de New Directions, adicada á literatura, labor que tras a súa morte continuou a súa muller, Elaine Lustig Cohen. Lustig sinalou como a súa intención foi establecer para cada libro un símbolo abstracto do seu contido, conseguir que a forza da forma e a cor atrapara e informara ao ollo. A Fundación DIDAC ten algúns dos seus traballos máis recoñecidos como as portadas para Three Lives de Gertrude Stein (1945) ou Poems de Stéphane Mallarmé (1949), ambas para New Directions, NY.